এই পৃষ্ঠাটোৰ বৈধকৰণ হৈছে
৩০
দীপ্তি ৷
গুচোৱাঁ নীচতা-চেঁকা সমাজৰ গাৰ।
সমাজ বুৰাই ঢালা সাম্যৰ পোহৰ;
সকলোকে দিয়া ভাগ ভ্ৰাতৃ চেনেহৰ।
হীনক উন্নত কৰি তোমাৰ সমান,
বুকত সাবটি লোৱাঁ এৰি অভিমান।
তোমাৰ সমাজ হ’ব তেতিয়া প্ৰধান;
বিশ্ব-সমাজত পাব সম্মানৰ স্থান।
তেতিয়াহে হ’বা তুমি সঁচাকৈয়ে বৰ;
অযাচিত শ্ৰদ্ধা ভক্তি লভিবা আনৰ।
⸻
অনুন্নত জাতিসকললৈ।
শুনা মোৰ নিবেদন প্ৰিয় ভ্ৰাতৃগণ,
জানিবা নহয় লাভ কৰিলে ক্ৰন্দন।
তেজৰ সোৱাদ পোৱা বাঘৰ কাষত,
নোপোৱা সুফল গাই শাস্ত্ৰ-ভাগৱত।
কৰিছে যি দৈত্যৰূপ ধৰি অত্যাচাৰ,
সিসবৰ পৰা জানো পাবা সুবিচাৰ?
ধন ভৰি কৰি নিজ হীনতা-স্বীকাৰ,
নোৱাৰা মানুহ হ’ব জানা তত্ত্ব সাৰ।
