এই পৃষ্ঠাটোৰ বৈধকৰণ হৈছে
২০
দীপ্তি ।
উত্তিষ্ঠত, জাগ্ৰত সকলো।
উত্তিষ্ঠত ভ্ৰাতৃবৃন্দ বলী-প্ৰপীড়িত,
জাগ্ৰত ভগিনীগণ পুৰুষ-লাঞ্ছিত,
উঠাঁ উঠাঁ তুচ্ছ কৰি স্তুতি-নিন্দা-বাদ
আছে যাৰ মনুষ্যত্ব ধৰ্ম্ম-নীতি-ভয়।
শিৰত বিভুক লই আগ বাঢ়াঁ সবে,
কৰ্ত্তব্য সাধন কৰি কৰ্ম্মৰ ক্ষেত্ৰত,
কৰা সুগঠিত—মনুষ্যত্ব- বিমণ্ডিত
মাৱন-সমাজ; ধৰ্ম্ম-অৰ্থ-কাম-মোক্ষ
লভিবা সকলো।
ঢাকা—আগষ্ট, ১৯২০।
⸻
ব্ৰাহ্মণ।
আছিলা ব্ৰাহ্মণ, তুমি দূৰ অতীতত,
জগতৰ শিক্ষাগুৰু, নমস্য লোকৰ।
তুমিয়েই ঈশবলে হই বলীয়ান,
পাৰিছিলা পশুবল কৰিব স্তম্ভিত;
দেখিছিলা জ্ঞানৰ চকুৰে সৃষ্টি, স্থিতি,
প্ৰলয়ৰ ৰহস্য মহান। ৰাখিছিলা
