এই পৃষ্ঠাটোৰ বৈধকৰণ হৈছে
১০
দীপ্তি ।
তোমাৰ স্নিগ্ধ মধুৰ অমৃত পৰশে
গুচোৱাঁ জড়তা গুচোৱাঁ।
মোৰ মৰু হৃদয়ত ঢালা প্ৰেম-বাৰি,
মন্দাকিনীৰ ধাৰেৰে;
প্ৰভু, মেলাঁ দয়া কৰি অন্ধ নয়ন,
দেখা দি মোহন সাজেৰে।
যেন আকাশে পাতালে-পৱনে,
নিতে তোমাকে নিৰখে নয়নে,
মোৰ মুগ্ধ ৰয় চিত তোমাৰ স্তুতিত
সুৰত পাষাণ পমোৱা।
সহি জীৱন-যুদ্ধৰ জয়-পৰাজয়
নিতকে শত্ৰুৰ লাঞ্ছনা,
চোৱাঁ ভগ্ন ই হৃদয় হাহাকাৰময়,
নোৱাৰে সহিব যাতনা।
মোৰ দিয়াঁ হৃদয়ত শকতি,
যেন ভাবোঁ দুখ-সুখ একেটি,
মোৰ মান-অপমান, গালি-শলাগনি
দুয়োকে একত মিলোৱাঁ।
⸻
