এই পৃষ্ঠাটোৰ মুদ্ৰণ সংশোধন কৰা হৈছে
“মিনতি কৰিছো, তুমি এৰাঁ এই দ্বেষ ভাব,
“মহাৰাজ! দুৰ্ভগীয়া গদাৰ লগত,
“নিহিংসে তােমাক গদা, হিংসিছা সদাই তুমি
“গদাক, ঘৰত কিম্বা ঘােৰ অৰণ্যত”॥
৬
“তােমাসৱে আৰু মােক নকৰিবা বাধা,
“ৰাজ্য সুখ ৰাজ-ভােগ একোৱে নহয়
“জীয়াই থাকোতে মােৰ চিৰশত্ৰু, গদা॥
“গদামােৰ মহা শত্ৰু, জীয়াই থকাত,
“ৰাজ-ভােগ সুখ শান্তি নােৱাৰি ভুঞ্জিব,
“যেনে তেনে উপায়েৰে লাগিব নিশ্চয়,
“মন্ত্ৰী সৱ! চিৰশত্ৰু গদাক মাৰিৰ”
মন্ত্ৰীসৱ—“কুলক্ষণে ললে লগ! • নধৰিবা দোষ,
“মহাৰাজ? ধৰ্ম্মকথা নােৱাৰি নকই,
“নসহে ঈশ্বৰে এনে কূট অত্যাচাৰ
“অদোষত, ৰজা! তুমি জানিবা নিশ্চয়”॥
