এই পৃষ্ঠাটোৰ বৈধকৰণ হৈছে
আহিবনো কোন? আছে কোনবা তেওঁৰ?
থাকি থাকি কিয়নো নিমাত?
৪
ইনো কি আকউ! এটি মনোহৰ ডেকা মূৰ্ত্তি
এখুজি-দুখুজি আহে গাভৰুৰ ফালে!
ক’ৰ ডেকা? কোন এওঁ? এই মহা নিশা
আহে কিয়—ই ঠাই অকলে?
গাভৰু তিৰুতা, হায়! তাতেই অকলে আজি;
ইঘোৰ নিশাত ডেকা গাভৰুৰ কাষে
আহে কি কাৰণ? আছে কিবা অভিপ্ৰায়?
নতু, কিয় আহে কোন আশে?
বিৰস বদন ডেকা (আকৃতি দেখিলে, হায়!
ৰজাব কোঁৱৰ বুলি জনমে বিশ্বাস)
ধীৰে ধীৰে আহি, বহি গাভৰু কাষে
পেলালেহি দুখৰ নিশ্বাস!!
গাভৰুৰ হাতধৰি বিষাদ ব্যাকুল ডেকা
উলিয়ালে চকু পানী, বাৰিষা কালত
