এই পৃষ্ঠাটোৰ বৈধকৰণ হৈছে
নহ’লে কান্দিছে কোনে? কোন দুৰ্ভাগিনা
হেৰুৱাই পতিধন, পৰাণ ৰতন,
কান্দে আজি হই অনাথিনী?
মাততে জানিব পাৰি মাইকী মানুহ বুলি,
শোকাকুলা বুলি দিয়ে চিনাকী কান্দোনে;
বৰ শোক পাওঁ, দেবি! দেখুৱা তেওঁক
কান্দিছে যি সঘনে সঘনে॥
দিয়াঁ দিব্য চকু মোক মই আজি লওঁ চাই,
কোনেনো কান্দিছে এই বনৰ মাজত?
ইঘোৰ নিশাত, দেবি! ওলায়নো কাৰ
চকুপানী দুয়ো নয়নত?
৩
ইনো কি আকউ! এই সোণৰ পুতলা, হায়!
বনৰ মাজত দেহা লুতুৰি-পুতুৰি!!
অকলে অৰণ্য-মাজে গছৰ তলত
বিষাদত কান্দিছে ফেঁকুৰি॥
কিয় কান্দে? কাৰ এওঁ প্ৰেমৰ প্ৰতিমা ধন?
