এই পৃষ্ঠাটোৰ বৈধকৰণ হৈছে
১৮
তাৰকাসুৰৰ যুদ্ধ।
এতেক বচন শুনিয়া ইন্দ্ৰয়ো
নেদিলা ফিৰি উত্তৰ।
দুই খান হাত মেলি দি বোলন্ত
যেহি ইচ্ছা তাকে কৰত॥
যুঝিবে নোৱাৰু বান্ধক নলৈবুঁ
ইতো নিলাজৰ কাৰ্য্য।
এহি বুলি ইন্দ্ৰে হাত মেলি ৰৈলা
এড়ি সবে লাজ কাৰ্য্য॥
ইন্দ্ৰক দেখিয়া সবে দেবগণে
হাত মেলি মেলি দিলা।
চন্দ্ৰ সূৰ্য্য যম কুবেৰ বৰুণ
যতেক দেব আছিলা॥
দশ দিগপাল নবগ্ৰহ গণে
অষ্ট বসু আদি কৰি।
সবাকো বজ্ৰাঙ্গে গোটে গোটে ধৰি
বান্ধিলেক একে জড়ি॥
বোলে বসুমতী মই তিৰী জাতি
বান্ধিলে কোন বঢ়াই।
বজ্ৰাঙ্গে বোলয় নবান্ধু তোমাক
চিন্তা নকৰিবা আই॥
এহি বুলি দেব গণক বান্ধিয়া
মাতৃৰ পাশক নিলা।
যাহন্তে পথত হংস যানে চড়ি
ৰক্ষা আসি ভেণ্ট দিলা॥
আশীৰ্ব্বাদ কৰি ব্ৰহ্মাই বোলন্ত
শুনিয়ো বজ্ৰাঙ্গ বাপ।
দিতিৰ বচনে তুমি হেন জনে
দেবক নেদা সন্তাপ॥
