এই পৃষ্ঠাটোৰ বৈধকৰণ হৈছে
জ্ঞান-মালিনী
৫৩
৫৫
কোনোৱে যদিহে তাৰেই এ-টি
বালিহে বুটলি লয়,
দেখি সি চাপৰি, পাৰিনে বুজিব–
–হইছে নহৈছে ক্ষয়?
৫৬
তেনেকৈ তয়োতো, বালিৰে নিচিনা
ইমান সৰু যে হায়।
তো-দৰে পৰাণি হলো বা নহ'লে,
বিশ্বৰ একোকে নাই!
৫৭
তো-দৰে জীৱটি আছ বা না’য়েই
কোনে নো কৰিছে কাণ?
পাহৰি কোনেও লেখতো নধৰে,
এনুৱা এখুদু, প্ৰাণ!
৫৮
গতিকে মফিজ! এৰি দে এৰি দে
ই ‘মইমতালি' তোৰ,
নহলে নিশ্চয় জগত-গিৰীয়ে
তুলিব ইয়াৰ হোৰ!!
শ’ক ১৮১৭
১৫ ফাল্গুন।
