এই পৃষ্ঠাটোৰ বৈধকৰণ হৈছে
৪৮
জ্ঞান-মালিনী
কোনোটি চৰিছে, কোনোটি পৰিছে,
কৰিছে যি যেনে কাম;
আপোনা-আপোনা— — গুণৰ বলেৰে,
পাইছে সি তেনে পাম।
তৰাই তৰাই (কত যে ধৰাই)
বাগৰি-জুগৰি ফূৰি,
বিৰতি-কঠীয়া সিচোঁতে সিচোঁতে,
উন্নতি-খেতত ঘূৰি,
নিষ্কাম ধৰমী হ'বলৈ পাৰিছে,
পৰানীহঁতৰ যিয়ে
শান্তি-সাগৰত, বুৰ্-দি পাছত,
মুকুতি লভিছে সিয়ে;
দ-ঘুলি-মাজত, কাৰণ-পানীৰে
সমূলি মিহলি হই,
তেনেই গুচিছে ‘অহং-জ্ঞানৰো’
সুকীয়া ভাবটি— ‘মই’!
তেন্তে এইযে অনন্ত শূন্যৰ
দেখিছোঁ যিমানে তৰা,
প্ৰত্যেক এখনি সুকীয়া সঁতল, (১)
প্ৰত্যেকে এখনি ধৰা!
(১) সঁতল=সমতল=plane.
