এই পৃষ্ঠাটোৰ বৈধকৰণ কৰা হৈছে
জ্ঞান-মালিনী
৪৯
প্ৰত্যেক থাণিকা খনিতে যদিহে,
অলেখ পৰাণি আছে;
তেন্তে মুঠতে বিশ্ব-জগতত,
কত যে পৰাণি আছে!!
আমাৰ পথিবী খনিও মাথোন
তাৰেহে মাজৰে এক,
আনেৰে বিজালে নিচেই সৰুই,-
নটা ও নোজোৰা, ঠেক।
ইয়াতে দেখোন— কত যে পৰাণি,
চাৰি মহাদেশ যুৰি—
এচিয়া, য়ুৰোপ, আফ্ৰিকা, পতাল—
সাগৰ সমুদ্ৰ পুৰী।
ই চাৰি খনিতো, বেলেগে বিভাগে,
কত যে নুমলী দেশ —
ইংলণ্ড, ভাৰত, কানাডা, মিছৰ
জীৱৰো কত যে ভেশ।
ভাৰতবৰ্ষৰো এচুকে, আমাৰ
আজলী অসম খনি;
অসম দেশতো এঘাৰ বিভাগ,
খোলাও এঘাৰ খনি।
