এই পৃষ্ঠাটোৰ বৈধকৰণ হৈছে
মইমতালি ভাবৰ ভেটি উছন
১
এদিনা গধুলি, আন্ধাৰে যেতিয়া
ছাটিলে পৃথিবী খনি;
চিনিব নোৱৰা হ'লোঁহি একোকে
ভালকৈ চকুৰে মনি।
২
নেদেখা হ'লোঁহি যেতিয়া, দূৰৰ
পৰ্ব্বত, কাঠনি, বিল,
নিচেই কাষৰে পৰুৱা-পিপৰা,
আপোনা-দেহাৰে তিল;
৩
বেপাৰী, পহাৰী সোমালে যেতিয়া
আপোনা-আপোনা-ঘৰ,
জোপোৰা-বাঁহত চৰাই-চৃকতি;
হাবিত হৰিণা সৰ।
৪
এনেটি পৰতে, কি জানো কি ভাবি
ডিবৰু দাঁতিলৈ গই,
অকলে অকলে বহিলোঁ নিজমে
নানান্ ভাবনা লই!
