এই পৃষ্ঠাটোৰ বৈধকৰণ হৈছে
জ্ঞান-মালিনী
২৩
(ক)
দুয়ো পিনে ঘন, উলুৱনি বন,
জোঁক লাৰু লাৰু তাত;
লেউ লেউ কৰি, আছে থিয় ধৰি,
লাগে থোপাথোপে গাত।
দুয়ো পিনে ঘন, চোঁৰাতনি বন,
কাঠনি বেঁতনি হাবি!
কত ভয়ঙ্কৰ বাঘ ভালুকৰ
শুনি গিৰিজনি ডাবি!!
হাতী পালে পালে, চাৰি ফালে
তৰাৰ গজালি খাই;
সিংহ যোৰে যোৰে যুঁজি যঁজি মৰে
বাটৰুৱা দেখা পাই।
কত অজগৰ, বনৰীয়া গঁৰ,
ফেঁটী, তৰাদাঁহী, গুঁই
এই আলিটিত, কলা-ঘুমটিত,
আছে বাটে-পথে শুই!
