এই পৃষ্ঠাটোৰ বৈধকৰণ হৈছে
৭৬
গাঁতেই তাৰ জীৱন, গাঁতেই তাৰ সমল
গাঁতেই তাৰ গা-ৰক্ষক, গাঁতেই ৰাখিব তাৰ
সৰু শিলেৰে সুৰক্ষিত কলিজাস্থিত বক্ষক।
পাখি গজি পাখি ভঙা পখী ভালপোৱা
মই জানো, মই তোমাক ভাল পাওঁ
আগতেও পাইছিলো, আগলৈও পাম।
ভালপোৱা মোৰ হৃদয়ৰ অনুভূতি
বিশেষত্ব মোৰ স্বভাৱৰ।
তুমি নাজানা, বা জানিও নাজানা
মই তোমাক কেনেকৈ ভালপাওঁ।
তুমি বিচৰা, মই কওঁ তোমাক প্ৰকাশি
তোমাক মই ভালপাওঁ বুলি।
মোৰ মৌনতাত, সঁহাৰি নাপালে তুমি
ভাবি লোৱা, মই তোমাক বেয়া পাওঁ বুলি।
সেয়েহে তুমি মোক বৰ বেয়া পোৱা
আগতেও পাইছিলা, আগলৈও পাবা।
বেয়া পোৱা তোমাৰ হৃদয়ৰ অনুভূতি
বিশেষত্ব তোমাৰ স্বভাৱৰ।
আমাৰ জীৱনৰ অন্তিম সংঘাত মাথোঁ
সীমাৱদ্ধ সীমাহীন অবুজ শব্দ ‘ভালপোৱা’ত
ভালপোৱাই মোক কৰি ৰাখে চিৰ উদ্বাউল।
সন্দেহে কৰি ৰাখে তোমাৰ চিৰ উত্তাল।
ব্যাধৰ শৰত ধৰাশায়ী পখী ভালপোৱা
পাখি গজি পাখি ভঙা উঁই পৰুৱা।
