এই পৃষ্ঠাটোৰ বৈধকৰণ হৈছে
৩৪২
[ ৬৮ অ
শ্ৰীশ্ৰীশঙ্কৰদেৱ-মাধৱদেৱচৰিত
আঠিয়া কল নানিলা।
পকা কল নাই বুলি ৰামদাসে
মাধৱ দেৱত কৈলা॥৫॥
শুনিয়া মাধৱে বোলন্ত উৎসৱে
বাৰীত চাহিয়ো গৈয়া৷
তেহে বোলা বাপ নতু পকে কল
আছোহোঁ কালি চাহিয়া॥৬॥
মাধৱে শুনিয়া বোলন্ত হাসিয়া
পানবাৰীৰ পো যায়ো।
ঘৰৰ পাছত চাল ওপৰত
পকি আছে কল চায়ো॥৭॥
শুনি ৰামদাস- -বুঢ়া লাসে লাসে
গৈয়া দেখিলন্ত পাছে।
পাছে চাল উপ- -ৰত একচৰ
বৰ কল পকি আছে॥৮॥
ৰামদাসে পাৰি এক আখা ধৰি
মাধৱৰ থানে গৈলা,
আগে কল থৈয়া প্ৰণাম কৰিয়া
একপাশে বসি ৰৈলা॥৯॥
দেখিয়া মাধৱ- -দেৱে বুলিলন্ত
কি বোলা পকি আছয়।
কল নাহি পকা বুলিয়া আমাক
ভাণ্ডিলা আগে নিশ্চয়॥১০॥
