এই পৃষ্ঠাটোৰ বৈধকৰণ হৈছে
সপ্ত পঞ্চাশৎ অধ্যায়
—মাধৱদেৱৰ হাজো গমন—
কি কহিবাে মাধৱদেৱৰ মহিমাক।
আত অনন্তৰে যেন কথা শুনা তাক॥
পয়ােনিধি উজীৰে বৎসৰ দুইৰ পৰা।।
দক্ষিণ কুলীয়া লােক সমন্বিতে তাৰা ॥১॥
—হয়ধ্ৰীব সেবা—
মাধৱদেৱক তথা নিবাক খােজন্ত।
এক কালে তথা দেৱ মাধৱ গৈলন্ত॥
আছিলন্ত বৰ ভূইত মাস দুই মান।
গোঁসাইক দেখিবে লাগি গৈলা হাজোথান॥২৷৷
সি দিনা মাধৱদেৱ হাজোত ৰহিলা।
আউৰ দিন প্রভাততে গোঁসাইক দেখিলা॥
হয়গ্ৰীৱ ৰূপক বর্ণায়া কৰি সেৱ।
পঢ়িলন্ত অনেক শ্লোকক মাধৱ দেৱ॥৩৷৷
দুৱৰী পুজাৰী আদি ব্রাহ্মণ সৱক।
গােটা ষোল মান টকা দিলা সমস্তক॥
তৈৰ পৰা গৈলা কণ্ঠভূষণৰ ঠাই।
কণ্ঠভূষণত দ্বাৰী কহিল বুজাই ॥৪৷৷
