এই পৃষ্ঠাটোৰ বৈধকৰণ হৈছে
২০৬
[৪৫অ
শ্ৰীশ্ৰীশঙ্কৰদেৱ-মাধৱদেৱ চৰিত
শুনিয়ো গোপাল যেন চিৰকাল
তােমাক নেৰিব ইটো।
এতেক বচন শুনিয়া যেহেন
সম্যকে সাৰিল সিটো ॥৯৷৷ (১)
কি কৰিলন্ত বুলিয়া সমস্ত
ভকতে খেদ কৰিল ।
সমস্ত ভকত বিৰস মনত
নমাতি সবে ৰহিল ॥১০৷৷
—পুত্র কমললােচনৰ দেহ কান্তি—
শুনা সাধুজন পাছে আউৰ দিন
বেলি ভৈল দণ্ড দুই
কমল লােচন ঠাকুৰ উঠিল
আম পাৰিবাক গই ॥১১৷৷
গৌৰবৰ্ণ কায় অগ্নি শিখা প্রায়
আৰো সূৰ্য্য ৰশ্মি লাগে।
সূৰ্য্যৰ সমান প্রকাশ কৰন্ত
চৰিয়া বৃক্ষৰ আগে ॥১২৷৷
ভকত সকল সহিতে শঙ্কৰ
চালিত আছন্ত বসি।
(১) দ্বিজ ৰামানন্দ ৰচিত গুরু চৰিত্ৰ মতে গােপালদেৱে আম পাড়ি দিছিল, আরু শঙ্কৰদেৱে এই আম সকলো ভকতক ভগাই দিছিল।