পৃষ্ঠা:চিন্তা-তৰঙ্গ.djvu/৯

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক
এই পৃষ্ঠাটোৰ বৈধকৰণ হৈছে

চিন্তা-তৰঙ্গ

(আগ ছোৱা)

হিমালয়ৰ প্ৰতি সম্বোধন

(১৯১৯ ইং ৭ মে তাৰিখে দাৰ্জ্জিলিং দৃশ্য
পৰ্ব্বতৰ ওপৰত উঠি মনৰ চিন্তা)

তুমিয়েই নে গিৰিৰাজ ভাৰতৰ সাক্ষী
 যি কালত ফুলিছিল ভাৰত-ফুলনি?
তাৰেই নেকি জ্ঞানৰ সৌৰভ প্ৰভাৱে
 আলোকিত কৰিছিল মানৱ ধৰণী?

আছিল যিদিনা অতি আৰ্য্যৰ প্ৰতাপ
 কঁপাই অৱনীৰ যি সপ্তদ্বীপা ধৰা,
এনেদৰে সিদিনা কি তোমাৰ বক্ষত
 জ্বলিছিল গোটে’ ৰাতি শাৰি শাৰি তৰা[১]?


  1. (১) ইলেক্‌ত্ৰিক বন্তি