এই পৃষ্ঠাটোৰ বৈধকৰণ হৈছে
৩০
চিন্তা-তৰঙ্গ
ধনেই হে ধৰম হ’ল সভ্য জগতৰ
ভাল কৰি খোৱা পিন্ধা কথা ভাল ঘৰ,
যি পাৰে কৰিব তাক বোলে সভ্য জাতি
আৰু মানুহ মৰা যন্ত্ৰ কৰে যতবোৰ
জল, থল আকাশৰ পৰা যত ঠাই
আবিষ্কাৰ কৰে যন্ত্ৰ সুসভ্য মানুহে
নৰহত্যা কৰিবলৈ অতি সহজত
নাশে ঈশ্বৰৰ ৰাজ্য ধৰ্ম্ম কি এই নে?
নাজানে মানুহে আছে নিয়ন্তা এজন
কৰিছে যিজনে সৃষ্ট এই যে ব্ৰহ্মাণ্ড,
আছে তাৰ প্ৰায়শ্চিত্ত ভাঙ্গিলে নিয়ম,
ই কাৰণে পৃথিবীত হল যুদ্ধকাণ্ড।
চোৱা সৌৱা মহাৰণ ক্ষেত্ৰ ইউৰোপ
জ্বলি আছে শ্মশানৰ জুই দপ্ দপ্
নুমা নাই ধোৱাঁ আছে এতিয়াকো,
কোন দিন বাউলটি জ্বলে ধপ্ ধপ্।
নাই বিধাতাৰ বিধানৰ লৰচৰ
সম্পত্তি ধনৰ লোভে ঘটায় প্ৰলয়,
অতি লোভে শাস্ত্ৰ কয় হয় মহাপাপ,
কৰে এই অধৰমে বহু জাতি লয়।
