এই পৃষ্ঠাটোৰ বৈধকৰণ হৈছে
১৫
চন্দ্ৰাৱলী।
ধনঞ্জয়। আহিছে পৰশু মিতা
শুনিবা কথাৰ কোব,—
পৰশুৰ প্ৰবেশ।
নমস্কাৰ ডাঙ্গৰীয়া।
হেমাঞ্জলী। যাকে তাকে ডাঙ্গৰীয়া বুলিব নেপায়,
ডাঙ্গৰীয়া তিনিজন মাথোঁ;
শুনিলে পিতাই, দিব প্ৰতিফল,
চিঞৰত গগণ উধাবি।
ধনঞ্জয়। কি বুলিনো মাতিম মিতাক?
হেমাঞ্জলী। ৰজাৰ আদেশ—
মান্যৱন্ত হয় যদি—দেও বুলি
সম্বোধন কৰিব পাৰিবি।
নতুন ৰজাৰ নতুন নিয়ম
ভাঙ্গিলে বিষম দণ্ড দিব।
পৰশু। আইদেওসকলক জনাব লগীয়া
আছে মোৰ কথা একেষাৰ।
ধনঞ্জয়। কোৱা মোৰ লাহৰি সোণাই,
কিনো কথা জনাব খুজিছা?
পৰশু। এজন লোকৰ আছিল তিনটা ল’ৰা,
পিঞ্জৰ মালেৰে যুঁজি তিনিও মৰিল।
