এই পৃষ্ঠাটোৰ বৈধকৰণ হৈছে
১২
চন্দ্ৰাৱলী।
সকলোৱে মোক বেয়া বোলে।
ইমান দিনত আজি
এটা শত্ৰু ক্ষয় মই কৰিলোঁ ধৰাত।
জনাৰ্দ্দনৰ প্ৰস্থান।
⸻⸻
দ্বিতীয় গৰ্ভাঙ্ক।
⸻০⸻
ৰাজ প্ৰাঙ্গন।
হেমাঞ্জলী আৰু চন্দ্ৰাৱলীৰ প্ৰবেশ।
হেমাঞ্জলী। কৰিছোঁ কাকূতি বাইদেও,
নেথাকিবা মন মাৰি,
নকৰিবা মিছাতে বেজাৰ।
চন্দ্ৰাৱলী। প্ৰাণৰ ভনিটি, শক্তিৰো অতীত ৰং
দেখুৱাই ফুৰিছোঁ বাহিৰে।
কোৱা বাৰু, কেনেকৈ পাহৰিম
বনবাসী দয়ালু পিতাক?
পিতৃ মোৰ বনবাসী,
পাৰোনে ফুৰিব নাচি
নেথাকিলে আনন্দ মনত?
