এই পৃষ্ঠাটোৰ মুদ্ৰণ সংশোধন কৰা হৈছে
৭০
[ ৩য় অঙ্ক,
চক্ৰধ্বজসিংহ।
তৃতীয় অঙ্ক।
প্ৰথম দৰ্শন।
স্থান গৰগাওঁ। লাচিত বৰফুকনৰ ঘৰ।
কাল--আবেলি।
(চেনেহী আৰু ৰূপহী)
চেনেহী। আইতা চোৱাঁচোন ৰূপহীয়ে মোৰ “লীলামালা” পুথিখন নি কৰবাত লুকাই থৈছে গৈ; খুজিলে নিদিয়ে।
ৰূপহী। মই কিয় লুকাই থবলৈ যাম? তেওঁ নিজেই কৰবাত থৈ পাহৰিছে, পাহৰি মোৰ নামে লগাইছে। মিছলীয়া জনী কৰবাৰ!
চেনেহী। নিশ্চয় তয়েই লুকাই থৈছ। হিংসাকুৰীয়াজনী কৰবাৰ!
ৰূপহী। তুমি হে হিসাকুৰীয়া. মই নহওঁ।
(ৰূপহীয়ে গায়)--
চেনেহী চেনেহী তেলৰ চুপি।
শদিয়া খোৱা মৰে জুপি।
শদিয়া আহিল বাট বুলি।
চেনেহীয়ে তুলিলে পকা চুলি।
