এই পৃষ্ঠাটোৰ বৈধকৰণ হৈছে
( ১৪৫ )
এহি বুলি ঋষি, কালিন্দীক গৈলা,
হাতত কৰণ্ডি ধৰি॥ ৭৫১
কালিন্দীৰ জল, পায়া নিৰিমল,
কৰিলন্ত ঋষি স্নান।
কৰ্ম্ম সমৰ্পিয়া, দৃঢ় কৰি হিয়া,
ব্ৰহ্মক কৰিলা ধ্যান॥ ৭৫২
পাৰণাক প্ৰতি, একদণ্ড মাত্ৰ,
আছে অৱশেষ জানি।
সহি সময়ত, পাৰণা তেজিলে,
ব্ৰতৰ হোৱয় হানি॥ ৭৫৩
ধৰ্ম্মৰ শঙ্কট, | দেথি মহাৰাজা,
বিপ্ৰগণে জিজ্ঞাসয়।
স্নান কৰিবাক, গৈলন্ত দুৰ্ব্বাসা,
কাল অতিক্ৰমি যাই॥ ৭৫৪
হেন শুনি ঋষি, সমস্তে কহিলা,
ব্ৰতৰ সময় চায়া।
যি মতে ব্ৰাহ্মণ, নহে অতিক্ৰম,
ৰাজাত কৈলা বুজাই॥৭৫৫
জলৰ গণ্ডুষ, মাত্ৰে মহাৰাজা,
কৰিয়ো ব্ৰত পাৰণা।
১০
