এই পৃষ্ঠাটোৰ বৈধকৰণ হৈছে
(১৪২)
ঘোষা।
গোপাল কৃপাল দয়াময়,
তজু গুণ গাইবো মাত্ৰ।
তোমাৰ ভক্তৰ দ্ৰোহীক দেবতা,
ৰাখিবাৰ নহোঁ পাত্ৰ॥৭৩৬
পদ।-
এহিমতে ৰাজা, পালিলম্ভ প্ৰজা,
কৃষ্ণত কৰি ভকতি।
বিষ্ণুভক্তসবে, যিতে বোধ দেন্ত,
তাতে দৃঢ় কৰি মতি॥৭৩৭
অশ্বমেধ কৰি, ফল পৰিহৰি,
হৰিক যজিলা মাত্ৰ।
যাহাৰ যজ্ঞত, বশিষ্ঠ গৌতম,
আদি ঋষি ভৈলা পাত্ৰ॥৭৩৮
যাৰ যজ্ঞে আসি, মূৰতি প্ৰকাশি,
পূজা লৈলা দেবগণ।
ঋত্বিজে সহিতে, চিনিবে নোৱাৰি,
সবে ভৈলা একবৰ্ণ॥ ৭৩৯
যাৰ প্ৰজাগণে, স্বৰ্গক নমাগে,
শুনিয়া কৃষ্ণৰ যশ।
