পৃষ্ঠা:গৃহ-লক্ষ্মী.pdf/২৪

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে


হৰি—ইয়াত বৰ গৰম বলাঁ অলপ বাহিৰৰ পৰা ফুৰি অহা যাওক।

বিম—বলাঁ নাথ, বলা।

(সকলোৰে প্ৰস্থান)।


চতুৰ্থ দৃশ্য।

আলিবাট।

(হীৰালাল, হৰিচৰণ আৰু বিমলা)।

হৰিচৰণ—(চিঞৰি ২) On such a night did Troilas sigh his soul towards the Grecian camp where Cressid lay faithless.

বিম—কি কৈছা নাথ, তাৰ অৰ্থ কি?

হৰি—এনে এটা ৰজনীত ট্ৰয়লচে তাৰ soul টো sigh কৰিছিলে Grecian camp অৰ ফাললৈ যত ক্ৰেচিড্ অবিশ্বাসিনী হৈছিল।

বিম—আহা হা! কি ভাবময়! কেনেকৈ ছাই হল, নাথ?

হৰি—ছাই নহয় দীৰ্ঘনিশ্বাস, হুমুনিয়াহ।

বিম—হয় হয় বুজিলোঁ। এতিয়া, হুমুনিয়াহ, আহা কি সুন্দৰ; মোৰো এটা হমুনিয়াহ আহিল নাথ।

হৰি—কেলেই?