এই পৃষ্ঠাটোৰ বৈধকৰণ হৈছে
গীত:—
বিম—
তুমি মোৰ হৃদয়ৰ ধন,
তুমি মোৰ সুখৰ সপোন,
তুমি মোৰ নিচেই আপোন।
তোমাৰ স্মৃতি ভাবিলোঁ অন্তৰে প্ৰিয় হে;
আজি দুখনিশা অবসান,
আজি প্ৰেমময় মনপ্ৰাণ,
শান্ত কৰাঁহি দগধ পৰাণ প্ৰভু হে।
হৰি—এইয়া ৫০০০৲ টকাৰ এইখন চেক্; মোৰ এই ক্ষুদ্ৰ উপহাৰ গ্ৰহণ কৰাঁ সখি। মই তোমাৰ অলঙ্কাৰৰ ফৰ্মাচ্ দি আহিছোঁ, কাইলৈ সেইবোৰ পাবা।
বিম—নাথ, বালাজোৰ কৰিব দিছাঁ নে?
হৰি—সেই জোৰ মই হীৰা-পতোৱা চাই কলিকতাৰ পৰা অনাই দিম প্ৰিয়ে।
বিম—নাথ thanks, thanks.
হীৰা—কেলেই, মোক জানো thanks নিদিয়া বিমল?
বিম—(চকুৰ টিপ মাৰি) তুমি জোনৰ আগত কিহৰ বাতিৰ পোহৰ? তথাপি বাৰু তোমাক thanks দিলোঁ ৷