পৃষ্ঠা:গুণমালা- শংকৰদেৱ.pdf/১৬

ৱিকিউৎসৰ পৰা
Jump to navigation Jump to search
এই পৃষ্ঠাটোৰ মুদ্ৰণ সংশোধন কৰা হৈছে
গুণ-মালা

জগত নিখিল   গৰ্ভত দেখিল৷
বিস্ময় মিলিল   যশোদা ডৰিল৷৷
কেনে মাটি খাইলি   সুধিলা গুৱালী৷
চৱা বেন্তে বুলি   বানাইলা বনমালী৷৷
সকলে জগত   দেখন্ত গৰ্ভত৷
হৰিক মনত   স্মৰন্ত ভৰত৷৷
বোলন্ত বিস্ময়   মোহোৰ তনয়৷
মানুষ্য নোহয়   ঐশ্বৰ নিশ্চয়৷৷
কেশৱে কুপিলা   ধৰি পটাশীলা৷
ভাণ্ডাকো ভাঙ্গিলা   যশোদা দেখিলা৷৷
বাৰি লৈলা কৰে   দেখি দামোদৰে৷
নামি উড়লৰে   লব দিলা ডৰে৷৷
যশোদা খেদন্ত   ভয়ে ভগৱন্ত৷
কান্দন্ত কাম্পন্ত   বাৰি এৰিলন্ত৷৷
কৰে ধৰি আনি   উড়ুখলে টানি৷
বান্ধি চক্ৰপাশি   চলি গৈলা ৰাণী।।
উড়ল ঘসাই   বৃক্ষত ভেঙ্গাই।
উভাৰি পেহলাই   ৰঙ্গে আছা চাই।।
দুই দেৱৰৰ   দিব্য ৰূপধৰ।
কৰিয়া কাতৰ   চলি গৈলা ঘৰ।।