এই পৃষ্ঠাটোৰ বৈধকৰণ হৈছে
১৩
জঙ্ঘাসুৰ বধ
দেৱ নাৰায়ণ, দৈৱকী-নন্দন,
জগতৰে অন্তকাৰী।
প্ৰণামো গোৱিন্দ, পদ অৰবিন্দ,
নিয়োক নাথ উদ্ধাৰি॥
যেবে কোন নৰে, পৰদেশে যায়,
নিদ্ৰা পাৰিয়া থাকয়।
অৱশ্য দুৰ্গতি, হৈবেক সম্প্ৰতি,
মিলিবে দুখ সদায়॥ ৫৮
এহি বুলি দুই ভাই চলি যায়,
নাহি দুইৰো সুস্থ গতি।
দ্ৰৌপদী সহিতে, যথাত আছন্ত,
যুধিষ্ঠিৰ মহীপতি॥
দাদা নাহি বুলি, কিমতে কহিবো,
নৃপতিব আগে যাই।
ভৰি নচলয়, ধীৰে ধীৰে যায়,
পাই নৃপতিৰ ঠাই॥ ৫৯
ৰজাৰ আগত দণ্ডৱতে পৰি,
কহিবাক নপাৰয়।
দেখি যুধিষ্ঠিৰ, আকুলিত বৰ,
হুইয়া দুইক পুছয়॥
মহাবীৰ বৰ, বাপু বৃকোদৰ,
লগে নাহি কৈক গৈলা।
