এই পৃষ্ঠাটোৰ বৈধকৰণ হৈছে
৪৬
জঙ্ঘাসুৰ বধ
জঙ্ঘাসুৰে দেখি, আগবাঢ়ি আসি,
হাসি হিয়া পাতি ৰৈলা।
তিনি বাৰ ঘূৰি, হৃদয়ত পৰি,
হুঁহকি ভূমিক গৈলা॥ ২১৬
শিলাৰ সন্ধানে, লোম নৰলিল,
জঙ্ঘাসুৰ বলিয়াৰ *।
হাসি হাসি পাছে, ভীমক মাতয়,
শুনৰে পাণ্ডু-কুমাৰ॥
লহাৰীৰ তই, সবে বাখানয়,
প্ৰশংসে দেৱসকল।
মোৰ হাতে পৰি, চল যমপুৰী,
পাপীষ্ঠ দুষ্ট নিস্ফল॥ ২১৭
তোৰ কোন দেৱ, মনে কৰা সেৱ,
ইবিলি মৰিবি প্ৰাণে।
এহি বুলি দুষ্টে, কোপে খেদি গৈলা,
ধৰিলন্ত বৰ টানে॥
উৰ্দ্ধক লাগিয়া, হানিলন্ত দলি॥,
মহাক্ৰোধে জঙ্ঘাসুৰে।
পঞ্চ যোজন, মান উধায় গৈল,
যেন শিল্পী-যন্ত্ৰ ঘূৰে॥ ২১৮
* বলিয়াৰ = বল।
