পৃষ্ঠা:খটাসুৰ বধ ‍আৰু জঙ্ঘাসুৰ বধ.pdf/১০৩

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে

দুলড়ী

শুনা সভাসদ, বনপৰ্ব্ব-পদ,
 সংসাৰৰ দুষ্ট-দণ্ড।
সেহি বেলা জঙ্ঘা- সুৰে মহাকোপে,
 হানিলন্ত শিলাখণ্ড॥
ভীমেও তেখনে, একখণ্ড লৈয়া
 হানিলা তাহাক লাগি।
দুয়া খণ্ড যায়, মধ্যে ঠেকা খায়,
 খণ্ড খণ্ড ভৈলা ভাগি॥ ২১৪
আৰো শিলাখণ্ড, ধৰি জঙ্ঘাসুৰে,
 ভীমক খেদিয়া গৈলা।
দেখি বৃকোদৰ, মহা ভয়ঙ্কৰ,
 ক্ৰোধে অন্যখণ্ড লৈলা॥
জঙ্ঘাসুৰে বোলে, ভীম দুৰাচাৰ
 মোৰ বল বুজ তই।
তোহোক নমাৰি, গৃহত নপশো,
 অঙ্গীকাৰ কৰো মই॥ ২১৫
এহি বুলি শিলা, খণ্ড প্ৰহাৰিলা,
 চাহিলন্ত বৃকোদৰে।
জাম্পদিয়া সিটো, আলাগতে ধৰি,
 হানিলন্ত চপকাৰে॥