এই পৃষ্ঠাটোৰ বৈধকৰণ হৈছে
পঞ্চম দৃশ্য
অক্ৰুৰৰ ঘৰ
[ কৃষ্ণ, বলৰাম, অক্ৰুৰ আৰু অক্ৰুৰ পত্নী।]
অক্ৰুৰ। প্ৰভু কালি দুপৰীয়া কংস মহাৰাজে
নিমন্ত্ৰিছে দুয়োটিকে ৰাজসভালৈ।
দুৱাৰত থাকিব দুৱৰী মত্ত হাতী
কুবলয় পীৰ। তাৰ পাছে প্ৰাঙ্গণত
ঠায়ে ঠায়ে থাকিব দূৰ্দ্ধষ
মালবোৰ। যদি যুদ্ধ আশে যায় দুয়ো
বৰ ভয় লাগে সুকুমাৰ শৰীৰত।
বহু দুখ পাব প্ৰভু। ভকত বৎসল
মৰি যাম একেবাৰে দেখিলে যাতনা
লবনু দেহাত, দিয়া ভকতক
নিৰ্ভয় আশ্বাস।
অক্ৰুৰ পত্নী। নাম শুনিছিলো, কিন্তু নেদেখি আহিলোঁ।
অতদিন। ত্ৰৈলোক্যমোহন ৰূপ লৈ
অমৃত সুৱদি মাতে মাতিলাহি মামি
বুলি। দ্ৰবি গল হিয়া মোৰ চেনেহত।
পুত্ৰস্নেহে চোৱা পৰিছে চকুলো বই।
চিনিছোঁ চিনিছোঁ প্ৰভু ত্ৰিজগত পতি
তোমালোক। নাৰী মই অতি অল্পমতি।
