পৃষ্ঠা:কৃষ্ণ লীলা.pdf/১৪২

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে
১৩২
[৫ম
কৃষ্ণ লীলা


চিন। এই ফালে এই ফালে পলাল
গোপাল। আহাঁ আহাঁ সখী যাকে লাগে
লবা গোপালক। অতপৰ প্ৰভু মোৰ
আছিল লগতে।

[ কিছুমান পৰ বিচাৰি ফুৰি শেষত একে লগে বহি কৃষ্ণ গুণ নাম গায় ]

⸺গীত⸺

অহা সখী গাওঁ কৃষ্ণ নাম
মধুময় গাওঁ কৃষ্ণ নাম,
কৃষ্ণময় দেহ কৃষ্ণময় প্ৰাণ
কৃষ্ণময় দেখোঁ জগতত
আকাশত কৃষ্ণ বতাহত কৃষ্ণ
কৃষ্ণ ৰূপ দেখোঁ হৃদয়ত।
যমুনা লহৰী কৃষ্ণক সুঁৱৰি
অবিৰাম গায় কৃষ্ণ নাম
মধুৰ মলয় কৃষ্ণ নাম লৈ
চেঁচা কৰি যায় ব্ৰজধাম।

 [ কৃষ্ণ আহি উপস্থিত হয় ]

কৃষ্ণ। এইয়া সখী, ইয়াতেই দেখো আছোঁ।
 কি সুন্দৰ শুভ্ৰ জ্যোৎস্না। কেনে দেখি
 অপৰূপ দিব্য জোনাকত অপূৰ্ব্ব বৰণী
 সুন্দৰী যমুনা। ইহেন ৰজনী বিফলে
 যাবনে সখী?

  [গোপিনীয়ে গীত গায় কৃষ্ণ আৰু গোপীয়ে নাচে]