এই পৃষ্ঠাটোৰ বৈধকৰণ হৈছে
২৪
কুমৰ-হৰণ
চিত্ৰলেখা বোলে সখি চিন্তা এৰিয়োক।
সপোনৰ স্বামী মই আনি দিব তোক॥
ঊষায়ে বোলন্ত সখি উঠিয়ো সকাল।
যেবে তুমি যাইবা সখি চলিয়ো একাল॥
মোৰ প্ৰাণ স্বামী তুমি আনি দিবা যেবে।
সাঙ্কো হুয়৷ তোমাৰ চৰ্চ্চিবো গুণ তেবে॥
হেন দেখি চিত্ৰলেখা দিলন্ত উত্তৰ।
তোৰ কথা শুনন্তে মোহোৰ লাগে ডৰ॥
দ্বাৰকা নগৰী ছয় মাসেকৰ পথ।
কালি পুৱা তোৰ স্বামী দিবো কেন মত॥
বিশেষত তোৰ স্বামী গোবিন্দৰ নাতি।
যাক ৰক্ষা কৰি থাকে বীৰগণে ৰাতি॥
বিনা যুদ্ধে জিনি তাঙ্ক কোনে আনিবেক।
কালি পুৱা কেন সখি খান্তি দেহ মোক॥
আঠ দিবসক মোক দিয়োক মেলানি।
তেবেসে তোহোৰ স্বামী দিব পাৰো আনি॥
মোহোৰ শকতি নাহি কালি পুহা দিতে।
তোমাৰ আগত মই কহিলো উচিতে॥
হেন শুনি বোলে ঊষা সখী হাতে ধৰি।
হোক আঠ দিন চলি যায়োক সুন্দৰী॥
