এই পৃষ্ঠাটোৰ বৈধকৰণ হৈছে
এয়েহে বেজাৰ মাথো, চিৰকাললৈ
নোৱাৰিলো কৰিব যতন।
শূন্যৰ কোলাত প্ৰান মিলিব যেতিয়া
দেখাহব পুনৰ্ব্বাৰ তাত,
জনোৱা তেতিয়া যেন মনৰ কথাটি,
লগোৱা তেতিয়া যেন মাত।
⸻:০:⸻
কাল
২৬
ক'ত হল আদি, ক'ত হব শেষ
কতদুৰ যুৰি তোমাৰ ঠাই,
তোমাৰ অদ্ভুত জনম কাহিনি
পৃথিবীত কোনো কওঁতা নাই!
জনমিল্ কত, জনমিব কত!
তোমাৰ গৰ্ভত কতৰ লয়;
দিগন্ত কঁপাই, উঠিলে এদিন
আৰ্য্যৰ কীৰ্ত্তি জগত্ ময়
গ্ৰীচ, ৰোম্ আদি বীৰ দেশ্ চয়
জ্বলিলে এদিন তোমাৰ গাত,
সভ্যতা সোপান অতিক্ৰম কৰি
গভীৰ গৰ্জ্জনে লগালে মাত।
