এই পৃষ্ঠাটোৰ বৈধকৰণ হৈছে
(৪৮)
সুগন্ধি সুবাস বোৱা মূদু মলয়াত
গঢ়িবা আদৰ্শলৈ আপোন স্বভাব।
দোৰ্ঘোৰ মেঘত দেখি বিজুলীৰ ৰেখ
শিকক তোমাৰ মনে হৰ্ষ বিষাদত
প্ৰফুল্লিত ফুল দেখি নিজান বনত
ফুটক আনন্দ ভাব তাপিত প্ৰাণত।
বিশাল প্ৰকৃতি ৰাজ্য অতি মনোহৰ,
বিতৰে সততে শিক্ষা সহস্ৰ ভাবৰ,
পাৰা যদি লোৱা তুমি একান্ত মনেৰে
লভিবা সৰ্গীয় সুখ থাকি মৰতত।
⸻:0:⸻
বিধবা।
22
কোন সৌৱা চোঁৱা উদাস প্ৰানত
চকুৰ পানীৰে নেদেখে বাট,
সকলো সুখৰ জালাঞ্জলি দিলে,
ফুটিও নুফুটে মুখৰ মাত।
হৃদয় বিদাৰি, মসিমূৰ কৰি
দীঘল নিশ্বাস সততে পৰে,
কিবা এটি যেন নাই নাই ভাবে
একোটি শোকেই ব্যাকুল কৰে।
