এই পৃষ্ঠাটোৰ বৈধকৰণ হৈছে
( ২৭ )
আঙ্গুলী বুলাই যায়
সঘনে কঁপনি তুলি অবস হিয়াৰ।
⸻:০:⸻
আই।
১৫
সামৰা তোমাৰ আই মায়াৰ আঁচল
চাঁও মই তোমাক এবাৰ,
মৰমৰ আঁৰলৈ কতনো লুকুৱা
দিয়া ছল এবেলি সেৱাৰ।
নেদেখোঁ তোমাৰ আই প্ৰকৃত স্বৰূপ
মৰমত থাকিলে লুকাই,
নিলগত তুলি অনা ভক্তি ফুল পাহি
ওচৰত জঁয় পৰি যায়।
চকুমুদি চালে দেখা সাদৰী প্ৰতিমা
দিঠকত কেনিবা আতঁৰে,
চকুমুদি থাকোতেই দিমনে অঞ্জলি
হিয়াভৰা ভক্তি হেঁপাহেৰে।
নিলগত ভাবো কত ইবাৰ নিশ্চয়
দেখুৱাম কত হাবিয়াস,
হৃদয় তলিৰ পৰা দেখুৱাম নিতে
নিজে তোলা হিয়াৰ আভাস।
