এই পৃষ্ঠাটোৰ বৈধকৰণ হৈছে
( ২১ )
নেজানে শেষত উঠে হিয়া ভেদি
কৰুণ ৰাগিনী আকুল কৰি।
⸻:০:⸻
আবেগ।
১১
কিয়নো আত্মাৰ এনে অথিৰ অবিৰ,
সুৱঁৰি কি তাহানিৰে পাহৰণি কথা?
উঠেকিয় মৰ্ম্ম ভেদি সকৰুণ সুৰ,
আছে কিনো অতীতৰ লগত মমতা!
জন্মৰ সিপাৰে কিবা কৰিছিলো কাম,
বান্ধিছিলে প্ৰণয়েৰে কিম্বা কোনো জনে,
নোৱাৰি চিঙ্গিব সেই প্ৰণয়ৰ দোল,
আজিও নিৰ্ম্মল স্নেহ বিচাৰে পৰাণে?
মৃত্যুৰ আগতে পৰা প্ৰণয় চুমাটি,
সুৱঁৰি কি অসহন মৃত্যুৰ পাছত!
জিলিকি পুনৰ কিম্বা ৰেখ প্ৰণয়ৰ
উজলায় পুৰ্ব্বস্মৃতি মানসপটত?
বিষাদ কাহিনী তোলা হৃদয় তলিৰ। -
তপত চেনেহ যেন মুকুতাৰ মালা,
দুধাৰি চকুলো বলে কিবা অৰ্থতাৰ ?
অবশ অন্তৰ কিয় ভাবি জলা কলা।
