এই পৃষ্ঠাটোৰ বৈধকৰণ হৈছে
( ১৯ )
আন্তৰিক মৰ্ম্ম তাৰ বিচাৰি সোমাবা
পাৰা যদি তত্ত্ব লবলৈ।
দেখিও নেদেখাহৈ অজলাৰ দৰে
নাথাকিবা অসীম বিশ্বত;
সাৰ অৰ্থ বিচাৰিবা সকলোতে তুমি
দিব্য দৃষ্টি জ্ঞানৰ বলত।
⸻:০:⸻
অসাৰ কামনা।
১০
অসাৰ কামনা কৰি মনে মনে
কত জন হায় মিচাতে ঘুৰে,
ভবিষ্য সুখৰ ছবি আঁকি আঁকি
কত জানে হাঁয় মিছাতে মৰে।
নেভাবে অলিক মানব জীবন,
নেভাবে অসাৰ সুখৰ ছায়া,
মিছা মৰিচীকা লয় কত আকিঁ,
নুবুজি দৈবৰ কুটিল মায়া।
বিদেশত থকা স্বামিৰ আশাত
কত বেশ ভুষা আহিব বুলি,
নুবুজে কন্যায় সেই সময়তে
দহিছে স্বামিক চিতাত তুলি।
