এই পৃষ্ঠাটোৰ বৈধকৰণ হৈছে
( ১৮ )
জলোৱা যুক্তিৰ জোঁৰ জ্ঞান অগনিৰে,
ধৰাতাক স্বাধীন মনেৰে,
ভুল ভ্ৰান্ত বিশ্বাশৰ মিচা বিভীষিকা
ভস্ম কৰা আপোন তেজেৰে।
পালে লগ কৰ্ম্মবীৰ বাটত তোমাৰ
চাপৰাবা মুৰ সাদৰেৰে,
মুৰ্ত্তিমান ধৰ্ম্ম যদি পোৱা কাৰো লগ
চাবা অতি ভকতি চকুৰে।
বাহিৰে সুৱনী দেখি মুখৰ মিঠাত
নুফুটাবা ভাল বেয়া মত,
আন্তৰিক বিকাশৰ পোৱানে আভাষ
চাবা কাৰ্য্য মুখৰ গঢ়ত।
ধৰ্ম্ম বুলি মানা যাক বুজা মৰ্ম্মতাৰ,
বাহ্যিকত নহবা ব্যাকুল,
কিয়নো কৰিছা কাম কিবা তাৰ শেষ,
ভাবি চাবা ইকুল সিকুল।
শুৱনি ফুলৰ পাহি পৰিলে চকুত
নুভুলিবা ৰূপ সৌৰভত,
অদৃশ্য ভাবেৰে আছে তত্ত্ব যিটি তাত
আকি লবা মানস পটত।
প্ৰাকৃতিক চিত্ৰ দেখি চকুৰ তৃপ্তিত
নাথাকিবা তদ্গদ্ হৈ,
