এই পৃষ্ঠাটোৰ বৈধকৰণ হৈছে
( ১৪ )
গিৰি বন প্ৰান্তৰৰ একেটি উদ্দেশ্য,
প্ৰাকৃতিক নিয়ম পালন,
বিজ্ঞান দৰ্শন আদি বেদ বেদান্তই
বিতৰিছে জ্ঞানৰ কিৰন।
অক্ষুন্ন প্ৰনয় ৰাশি অবাৰিত গতি
অনুপৰ মানুৰো হিয়াত,
শেষ লক্ষ্য সকলোৰে নিৰ্ম্মল প্ৰেমৰ
বিশ্ব ব্যাপী পবিত্ৰ আত্মাত।
উন্নতি পথত আছে সকলোটি ৰৈ,
হাতে হাতে ধ্বজা আপোনাৰ,
এক দৃষ্টি সকলোৰে তদ্ গদ্ ভাব,
এমুখীয়া আকাঙ্ক্ষা হিয়াৰ।
সকলো লক্ষ্যৰ লক্ষ্য অভিন্ন সমষ্টি,
চিৰন্তন দিব্য মনোহৰ;
"লক্ষ্য”, সেয়ে অভিলাষ আকাঙ্খ্যাৰ নমি
একমাত্ৰ বিশ্ব জগতৰ
⸻:০:⸻
লুকা লুকি।
৮
খন্তেকীয়া জীৱনৰ যুগমীয়া নাম
থৈ গল কতজনে সংসাৰ ফলিত,
