এই পৃষ্ঠাটোৰ বৈধকৰণ হৈছে
( ১০ )
মৃত্যু সঞ্জীবনী সেই মহামন্ত্ৰ গাই
মৃত প্ৰাণ জগোৱা দুনাই।
আশাৰ প্ৰতিমা হেৰা লাজমুৱা হৈ
নুলুকাবা দুৰণি হাবিত,
তোমাক পূজিম বুলি অজলা প্ৰজাই
ৰুইছেহি ফুল, ফুলনিত।
অমিয়া ৰূপৰ সেই অমিয়া কৰুনা
নিলগৰে পৰা ঢালিদিয়া,
মঙ্গল মলয় ছাটি ৰিব্ ৰিব্ কৰে
শেবকৰ শিৰত বলোঁৱা।
⸻:০:⸻
আবাহন।
৬
১
আহাঁ আজি নৃপবৰ লোঁৱাহি তোমাৰ
অশেষ গৌৰবান্বিত বিজয় কিৰীটি,
লোঁৱাহি পুনৰ সেই দিল্লি নগৰীত
দিল্লীশ্বৰ নাম আৰু সৰল ভকতি।
