এই পৃষ্ঠাটোৰ বৈধকৰণ হৈছে
১১
অসমীয়া ৰামায়ণ।
কি কাৰণে কন্দল কৰিলা দুই ভাই।
বনবাস খাটা কিক ভাৰ্য্যা হৰুৱাই॥
আপদে গ্ৰসিলে ভাৰ্য্যা হৰাইলা কিক।
শুনি পাছে বধিবোহু দুৰ্জয় বালীক॥
পাছে সে কৰিবা তুমি মোৰ প্ৰতিকাৰ।
মাৰলে জানিবা কিবা বৈৰক তোমাৰ॥
ত্ৰৈলোক্য বিজয় আছে একপাট শৰ।
নকৰিবা তুমি বালী বানৰক ডৰ॥
সুগ্ৰীৱ বোলন্ত প্ৰভু শুনা ৰাম দেৱ।
মোৰ বালা দদাক সমৰে নাৰে কেৱ॥
আদিত্য উদয় হন্তে ছাড়ি যাই পুৰি।
দণ্ডেকে আসয় চাৰি সাগৰক ঘূৰি॥
গাৱ ঢালিবাক দদাৰ যেবে মন।
হাম্ফলিয়া পৰ্ব্বত উপাৰি কৰে ছন্ন॥
শিখৰ ভাঙ্গিয়া হাতে খেলাৱয় ধোপ।
ত্ৰিদশে কম্পয় দেখি বালীৰ আঢোপ॥
আৱৰ কাহিণী কহু শুনা প্ৰভু ৰাম।
অসুৰেক আছিল দুন্দুভি তাৰ নাম॥
তিনিও লোকত বৰ মুনিস প্ৰধান।
সাগৰত গৈয়া মাগিলেক যুদ্ধদান॥
