এই পৃষ্ঠাটোৰ বৈধকৰণ হৈছে
সংগ্ৰাম
কোৱাঁ সঁচাকৈয়ে বাৰু হেৰা বিচক্ষণ!
সংগ্ৰাম বিহীন প্ৰাণ কিহৰ কাৰণ?
জনমৰেপৰা চোৱাঁ মৃত্যু পৰিমিত।
সাধুজনে বুজ কৰা বিধিৰ বিহিত॥
তেন্তে কিয় পিছ ভৰি, নকৰি সংগ্ৰাম?
সংগ্ৰাম আৰাম, হেৰা, সংগ্ৰাম আৰাম॥
১৮৩৫ শক।
জেঠ, হাওড়া।
—————
সোণৰ শিকলি
মাহ পখ সোণৰ শিকলি,
ঈশ্বৰৰ দান।
দণ্ড পল একোটা আঙঠি,
পায় গৈ বৈকুণ্ঠৰ থান॥
শিকলি যে ছিগি যাব চাবা,
যাত্ৰা শেষ নৌহওঁতেই;
সাবধানে বাট বুলি যাবা,
শুচি আৰু সঞ্জনম হৈ॥
১৮৩৫ শক।
আহাৰ, হাওড়া।
—————
