এই পৃষ্ঠাটোৰ মুদ্ৰণ সংশোধন কৰা হৈছে
৯৫
কদম-কলি
“উঠ ৰতনি উঠ!” বুলি
বপুৰিয়ে খাটে,
হে পুৰিয়ে খাটে :
কেনেকৈ লগ পাম
সৰগৰে তৰা,
হে সৰগৰে তৰা।
পখী হেৰ বুধি দে,
কি কৰোঁ, কৰা,
হে কি কৰোঁ, কৰা
বেজাৰত জোনাবাই
শুকাই খীণাই গল,
হে শুকাই খীণাই গল।
কাৰ নো বেজাৰ বাই,
তোৰ কি নো হল?
হে তোৰ কি নো হল?
বুকুৰে সৰ্ব্বহ মোৰ
ধনবৰে নিলে,
হে ধনবৰে নিলে।
সেইটো হে বেজাৰে মোক
খুলি খুলি খালে,
হে খুলি খুলি খালে
গছৰ আগত লৰে হেৰ
চিকিমিকি পাত,
