এই পৃষ্ঠাটোৰ বৈধকৰণ হৈছে
নগৰৰ বাজত বহিল বাস কৰি।
ৰঙ্গে ৰাম কৃষ্ণ দুই পখালিল ভৰি॥
গোপগণ সঙ্গে লৈয়া ভুঞ্জি দধিভাত।
বঞ্চিল ৰজনী সুখে শুতিয়া শয্যাত॥
ধনুভঙ্গ ৰখীয়া সেনাৰ শুনি বধ।
নাসে নিদ্ৰা কংস ভৈল ভয়তে স্তবধ॥
দেখে নানা বিমঙ্গল চিত্ত নোহে স্থিৰ।
ছায়াত নেদেখে সিটো আপোনাৰ শিৰ॥
ধূলি কৰ্দ্দমত নিজ খোজক নাকলে।
আকাশত দেখে কতো দুই চন্দ্ৰ জ্বলে॥
স্বপ্নত মৃতকে ধৰি কৰে আলিঙ্গন।
গৰ্দ্দভত চৰি কৰে বিষক ভোজন॥
ওৰ ফুল মালা পিন্ধি হুয়া দিগম্বৰ।
তৈল ঘসি দক্ষিণক যায় একেশ্বৰ॥
আনো নানা বিমঙ্গল দেখে সিটো আতি।
ভয়তে নপাইলে নিদ্ৰা কংসে সিটো ৰাতি॥
অনন্তৰে কংসৰায় উঠি প্ৰভাতত।
কৰাইলেক মল্ল মহোৎসৱ ক্ৰীড়া যত॥
