এই পৃষ্ঠাটোৰ বৈধকৰণ হৈছে
সজাইলেক উচ্চ মঞ্চ ৰঙ্গশালা বেঢ়ি।
বাৱে ঢাক ঢোল ভেৰী কৰে নানা খেড়ি॥
মঞ্চে চৰি বসিল যতেক পুৰবাসী।
থান লৈয়া বসিল নৃপতিগণো আসি॥
মন্ত্ৰীগণ সমে কংস চৰিল মঞ্চত।
নুগুচয় ভয় তাৰ ক্ষণেকো মনত॥
মল্ল বাদ্য শুনি কাছিপাৰি যত মাল।
মাল গুৰু সমে প্ৰবেশিল ৰঙ্গশাল॥
চানুৰ মুষ্টিক কূট তোষল অপৰ।
শল্ল নামে আইলা আৰো মল্ল ভয়ঙ্কৰ॥
কৰ দিয়া নন্দো গোপগণ সমন্বিতি।
মঞ্চে চৰি বসিলন্ত হুয়া এক ভিতি॥
কৃষ্ণৰ কিঙ্কৰে কহে শঙ্কৰে সম্প্ৰতি।
বোলা হৰি হৰি সবে হোক সদগতি॥
⸻
