এই পৃষ্ঠাটোৰ বৈধকৰণ হৈছে
হৰি ধ্বনি শুনি কাণ ফাটে।
নিন্দা কৰি ফুৰে হাটে বাটে॥
হেন জানি পাপক সংহৰি।
সদায় ঘুষিও হৰি হৰি॥
⸻
ঘোষা॥ হৰি বোল হৰি বোল মাধৱ ৰাম॥ ৯০॥
ৰথে তুলি ৰাম কৃষ্ণ দুভাই।
অক্ৰৰে লৈ যান্ত ঘোৰা ডকাই॥
বায়ুৰ বেগে নোহে তাক তুল।
পাইল গৈয়া পাছে যমুনা কুল॥
মধ্যাহ্ন সন্ধ্যা কৰিবাক প্ৰতি।
ৰাখিল ৰথ পাছে দানপতি॥
দুভাইক ৰথে থৈয়া তৰু-তলে।
নামিল গৈয়া যমুনাৰ জলে॥
বুৰ দিয়া মন্ত্ৰ জপিলা পাছে।
দেখন্ত ৰাম কৃষ্ণ তৈত আছে॥
ৰথত নাহিক বুলি উঠিলা।
দুভাইক ৰথতে দুনাই দেখিলা॥
