পৃষ্ঠা:কংস বধ.djvu/১৮

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে

এহি বুলি কান্দে গোপনাৰী।
ৰাম কৃষ্ণ বুলি গেৰি পাৰি॥
নেত্ৰৰ লোকত পৰে ধাৰে।
ঘনে ঘনে নিশ্বাস ফোকাৰে॥
হৰি বিনা নভাষে বচনে।
নপাসৰে সচেতে সোপনে॥
ৰাত্ৰি দিন গাৱে হৰি গীত।
কৃষ্ণতে অৰ্পিল প্ৰাণ চিত্ত॥
কায়স্থ শঙ্কৰে এহু ভণে।
হৰি কথা শুনা সৰ্ব্ব জনে॥
হৰিৰ কীৰ্ত্তন মুখে কৰা।
মাধৱৰ ৰূপ হিয়ে ধৰা॥
অল্প পুণ্যে নপাই আক জানি॥
সদা নছাৰিবা ৰাম বাণী॥
পাপী জনে হৰি নুসুমৰে।
পাতকে মুখত ছাপি ধৰে॥
আনে সুমৰন্তে শুনি মৰে।
পাপে চিত্ত উচপিচ কৰে॥