এই পৃষ্ঠাটোৰ বৈধকৰণ হৈছে
৯৬
উদ্যোগ পৰ্ব্ব
এহি মতে নিতে প্ৰশংসিয়া আপোনাক।
শুনি বিপ্ৰগণে ক্ৰোধে নসহিলা তাক॥৪৩০
শুন অৰে দম্ভ ইটো গৰ্ব্ব পৰিহৰ।
দেখিয়াছো বলী তোত কৰি ধনুৰ্দ্ধৰ॥
যদি তোৰ সমৰক আছে অভিলাষ।
এতিক্ষণে নৃপতি চলিয়ো তান পাশ॥ ৪৩১
গন্ধ মদনৰ কোলে পৰ্ব্বতৰ কাছে।
বদৰিকাশ্ৰম নামে স্থান তৈতে আছে॥
তাতে ঘোৰ তপস্যা কৰন্ত অনুপাম।
দেখিবি দুই ঋষি নৰ নাৰায়ণ নাম॥৪৩২
যদি গহ আছৈ তোৰ এতিক্ষণে লৰ।
হেন শুনি দম্ভৰ কৌতুক ভৈল ধৰ॥
শুনি যেন স্বৰ্গ পাইল হৰিষিত মনে।
সমদলে কটকে চলিলা তেতিক্ষণে॥৪৩৩
তাৰ যত সৈন্য কোনে লেখিবে প্ৰকটে।
পোন্ধৰ মাসৰ পথ যুৰিলা কটকে॥
এহিমতে বদৰিকাশ্ৰম পাইলা পাচে।
বিচাৰিলা নৰ নাৰায়ণ কৈত আছে॥৪৩৪
ঘোৰ তপস্যাৰ বেশ শৰীৰ সুঠান।
দেথি দম্ভে দুইহান্তকো মাগে যুদ্ধদান॥
