এই পৃষ্ঠাটোৰ বৈধকৰণ হৈছে
৯৭
অসমীয়া মহাভাৰত।
নাৰায়ণে দম্ভক বুলিলা হেন শুনি।
মোত যুদ্ধ খোজা ৰাজা জানিকি নেজানি॥৪৩৫
যুদ্ধকো নেজানো শৰীৰতো নাই বল।
ঘোৰ তপস্যাত গাৰ শুকাইল সকল॥
বিশেযত ঋষি মোৰ ধনু শৰ নাই।
মোত যুদ্ধ খোজা ৰাজা দুই চক্ষু খাই॥৪৩৬
অনা যুদ্ধ ভুঞ্জস সকলে বসুন্ধৰী।
কিসক মৰিবে খোজা ঘোৰ যুদ্ধ কৰি॥
আমাৰ বচনে এভু ৰণ পৰিহৰ।
সুখে গৈয়া সমস্তে পৃথিবী ভোগ কৰ॥৪৩৭
হেন শুনি দম্ভে মাতে মহা ক্ৰোধ কৰি।
শীঘ্ৰে যুদ্ধ দিয়োক বিলম্ব পৰিহৰি॥
দাম্ভিকৰ দম্ভ গুচাইবাক মন কৰি।
নাৰায়ণে নৰক চাহিলা চক্ষু ঠাৰি॥৪৩৮
চক্ষুৰ ইঙ্গিতে নৰে অনুমতি পাই।
বিৰিণাৰ শৰ ধনু সাজিলন্ত যাই॥
বিৰিণাৰ কৰিলা অক্ষয় টোন বান।
বাকলিৰ কবচ কৰিলা পৰিধান॥৪৩৯
পাছে বিৰিণাৰ ধনু টঙ্কাৰ কৰিলা।
দশে দিশ কম্পিলা সাগৰ খলকিলা॥
৯
