এই পৃষ্ঠাটোৰ বৈধকৰণ হৈছে
৮০
উদ্যোগ পৰ্ব্ব
জনপদে থাকি ৰাজ্য ভক্তিতে যুৱাই।
নিৰ্জান অৰণ্যে গৈয়া বনবাসি প্ৰাই॥
সৰ্ব্বকালে বেঢ়ি বেঢ়ি ঘোটক সকলে।
হস্তাগণে চিহৰয় পৰম প্ৰবলে॥৩৫০
নতে ভাটে বেঢ়ি বেঢ়ি কৰে নানা স্তুতি।
এতেক প্ৰকাৰে যাৰ নিদ্ৰা নিমিলন্তি॥
এবে মহা ঘোৰ নাদ শৃগালৰ ৰাৱে।
সিংহ ব্যাঘ্ৰ বেঢ়ি বেঢ়ি তোমাক জগাৱে॥৩৫১
জাম্বু নদী সদৃশ যাহাৰ দেহা জলে।
হেন যুধিষ্ঠিৰ বাপু আচন্ত কুশলে॥
নহুস যযাতি পৃথু সগৰ দিলিপ।
মান্ধাতা ভৰত আদি অসংক্ষাত নৃপ॥৩৫২
এসম্বাৰ ভাৰক একলে আছা ধৰি।
প্ৰাণ পৰিশ্ৰমে যিটো অন্যায় নকৰি॥
নাই শত্ৰু মিত্ৰ সৰ্ব্ব গুণাকৰ শন্ত।
হেন যুধিষ্ঠিৰ বাপু কুশলে আচন্ত॥৩৫৩
মধ্যম তনয় মোৰ পৰম প্ৰবল।
ময় মত্ত হস্তী দশ হাজাৰৰ বল॥
কিচকক মাৰিলন্ত গন্ধৰ্ব্বৰ চলে।
সিয়ো পাপী দ্ৰোপদীক জোঙ্কাইল নিস্খলে॥৩৫৪
